53. Театарски фестивал „Војдан Чернодрински“

jun 08 2018

На Фестивалот континуирано се презентираат најдобрите театарски/драмски остварувања од целокупната македонска театарска продукција работени според дела од светската драматургија, а особено се афирмира македонското драмско творештво.

Македонскиот театарски фестивал „Војдан Чернодрински“ е конституиран 1965 година на иницијатива на Здружението на драмските уметници од Република Македонија. Фестивалот го носи името на основоположникот на македонската драма - Војдан Чернодрински, драмски автор, актер и режисер. Традиционално секоја година се одржува во градот Прилеп во почетокот на месец јуни. Првата претстава на овој реномиран фестивал се одржала на 4 јуни 1965 година.                         

Фестивалот има натпреварувачки карактер во Официјалната програма. Фестивалот е од посебен државен интерес и единствен од ваков вид Финансиран од Министерството за култура на Р. Македонија, Локалната самоуправа и од донации и спонзорства.

Уметнички директор на Фестивалот е Катарина Коцевска. Таа ја следи целокупната театарска продукција и предлага концепт за Официјалната и Придружната програма како и останатите содржини на Фестивалот.

Teatarski festival 1

„На 53. Македонски театарски фестивал „Војдан Чернодрински“, ќе ве поведеме низ претставите на големо патување со сценската театарска магија и ќе ве доведеме до актерите, тие вечни патници низ просторот и времето како клетници на ничија земја со цар, крал и доктор, додека дони лета над гнездото на богот, жените како дами свет градат до ужегнатост.

Театарот е чудесна куќа. Во тетарот најjасно се одвојува вистината од лагата, доброто од лошото, љубовта од нешто што не е љубов. Во театарот студот е строг и праведен и има најдобро мерило – Аплаузот.

Без вас, саканa публико, ние сме како книга без читател“- порачува Катарина Коцевска – Уметнички директор на МТФ „Војдан Чернодрински“ на официјалната страна на театарскиот фестивал.

Teatarski festival 2

Картите за сите претстави се веќе распродадени. На овогодинешната програма за 53. театарски фестивал „Војдан Чернодрински“ публиката ќе има можност да ги погледне следните претстави во селекција:

Ничија земја – Данис Тановиќ, режија Александар Морфов – Македонски народен театар – Скопје

Доктор Фауст – Кристофер Марлоу (и авторски текстови на режисерот, драматургот и актерската екипа), режија Андраш Урбан – Народен театар Битола

Клетници – Виктор Игро, режија Мартин Кочовски – Театар Војдан Чернодрински, Прилеп

Еднаш свет изградив – по романот на Сидарта од Херман Хесе, текст и режија Јане Спасиќ – театар за деца и младинци – Скопје

Царот Владислав – Борис Јанков, режија Бранко Ставрев – НУЦК Антон Панов – Струмица

Крал Лир – Вилијам Шекспир, режија Диего де Бреа – Турски театар – Скопје

Бог на масакрот – Јасмина Реза, режија Нела Витошевиќ – НУЦК Ацо Шопов, Штип

Жена од минатото – Роланд Шимелфенинг, режија: Нела Витошевиќ – НУЦК „Трајко Прокопиев“– Куманово  

Дони Дарк – Леонард Герш, режија Роберт Ристов – Театар комедија – Скопје         

Жените – Роберт Томас, режија Ќендрим Ријани – Албански театар Скопјe

Партија Реми – Доналд Ли Кобурн, режија- Виолета Џолева – НУ Драмски театар –  Скопје

Тоалет за дами – Родолфо Сантана, режија Дејан Дамјановски – театар Јордан Х.К. Џинот – Велес

Лет над кукавичјото гнездо – Дејл Васерман и Кен Киси, режија Ристо Алексовски – Драмски театар Скопје

Ужегнатост – Иван Вискочил, режија Владимир Милчин – независна театарска груша Артопиа

Железниот светилник – Димитар Талев, режија: Асен Шопов – Театар на Бугарската армија – Софија (Р.Бугарија)

Не сега, драга – Реј Куни, режија: Коле Ангеловски – НУ театар „Комедија“ – Скопје.

Известува: Мартина Билјаровска
Фотографија: Официјален постер на 53. Театарски фестивал „Војдан Чернодрински“ и фотографии од архива на театар „Војдан Чернодрински.“

TEMPLEJT na makedonskomRES

Radionice

baner

Saint Art Designs / Web Development

Saint Art Designs / Web Development

Prijatelji sajta

Safe Journalism HND Solidarna Actat Kvart komesarijat-za-izbeglice XXZ Pescanik logoo mirc NGTim