Во конкуренција од близу 150 учесници од повеќе држави, меѓу кои, сите македонски репрезентативци, во машка и женска конкуренција, Филип Панчевски  од ШК Алакалоид успеа да го земе првото место.

Турнирот се вбројува во календарот на Шаховската федерација на Македонија и се бодува на Светската рејтинг листа на ФИДЕ .Шаховскиот клуб  „Прилеп“ се натпреварува во Првата лига во организација на Шаховската Федерација на Р.Македонија.

Панчевски беше втор играч од пријавените според рејтингот (2535), при што успеа да освои 7,5 поени од 9 партии, совладувајќи ги сите македонски играчи со кои се сретна, а имаше само три ремија, вклучувајќи го во последното коло дуелот со најсилниот по рејтинг, хрватскиот велемајстор Анте Сариќ (2563). Ждрепката сакаше да се избегнат со прилепскиот велемајстор Звонко Станојоски, кој ја предводи листата на играчи од второ до десетто место со по 7 бода, при што Станојоски (2446), исто така член на ШК Алкалоид, ја доби наградата за второто место според „тај-брејк“ правилата, пред интер-мајсторот Борољуб Златановиќ од Србија (2502).

Панчевски во декември  во Скопје, ќе се натпреварува на Европското првенство во рапид и блиц и како што кажува и самиот тој, смета дека првото место во оваа конкуренција на меѓународниот турнир, ќе му даде самодоверба за претстојното првенство.

Турнирот беше свечено отворен од страна на градоначалникот Илија Јовановски, со поддршка на локалните компании кои ја помогнаа организацијата на турнирот. 

Новинар: Мартина Билјаровска
Фотографија: Преземени од Нема спорт без дерби.